據土地註冊處資料顯示,Karen買入第5座頂層單位,實用面積2,188平方呎,另有1,855平方呎天台連泳池,而重點就係Karen買呢個豪宅冇做任何按揭,而代表買家簽訂臨時買賣合約文件嘅人,係盈大地產副主席及行政總裁李智康,即小小超嘅手下猛將!估計月入約兩萬元嘅Karen,兩年前當選港姐時仍住馬鞍山屋苑,唔通小小超真係同Karen拍拖,豪送逾億單位畀女友?
馮仁昭向小小超求證,佢以短訊回覆:「Have a good evening!」冇否認此事,馮仁昭叫佢如有喜訊公佈要通知,小小超就回覆OK公仔,不過問到有冇結婚計劃?佢就冇表示嘞。
撰文:馮仁昭