片中薯片叔用番自己競選辦嘅短片模式,先以iPad遮面介紹自己:「我係曾俊華,與其相信一個人,不如相信兩個人。」佢話兩個人嘅棟篤笑好似劍擊咁,如果篤中對方要害,啲「哈哈笑」會多到上個鼻嗰度,呢句分明係抄佢當日寸林鄭「嬲嬲多到上個鼻度」嘅金句。
佢仲提醒曾志豪,想度稿要睇多啲新聞,會有好多意想不到嘅笑話,又指:「剃鬚就唔會嘞,睇show呢我就一定會嚟,我個有錢都買唔到嘅公關團隊都買唔到你哋啲飛喎?」嘩,真係瞓身hardsell!棟篤笑門票分200蚊、400蚊兩種,薯片叔仲會做其中一場觀眾,唔知大家有冇緣遇上薯片叔呢?
李八方