之前香港電視藝員艾威都出書《情聖賭神之終極一注》，今日佢就去書展宣傳自己呢本教人贏錢嘅書，佢老婆，幫佢出書嘅林熹瞳都有出席撐場，仲有「老是常出現」嘅綠魔Karl呀!

艾威笑言要多謝佢背後兩個重要嘅女人(老婆同林熹瞳)，之後又話係2個半先啱，因為計埋綠魔丫嘛!佢又準備咗一啲朱古力同煲咗煲靚湯，慰勞一下書商。

而之前佢就講過，如果有人睇唔明佢本書，可以喺微博問佢，艾威話真係收到好多人喺微博問佢，佢笑言可以搞個慈善賭團，將一半錢捐去做善事。佢又透露本書依家大約賣咗300本。