鬼才畫家黃永玉畫展噚日揭幕,展出大約八十幅近年為主嘅得意之作。八方有幸先睹為快,一口氣睇勻咁多大作,十蚊入場費都慳番。黃永玉先生叫香港市民珍惜呢個機會,事關人生八十古來稀,雖然家陣醫學昌明,但係黃永玉不忌諱,話今次可能係佢最後一次開畫展。至於噚日嘅揭幕禮,唔單止有董太同梁愛詩嚟捧場,連黃永玉嘅小孫女都有到場,兩爺孫重一齊喺孫女嘅畫前合照㖭。
黃永玉近年唔少作品都喺拍賣市場上以高價成交,有時價錢高到連黃永玉都話想自己買番。但係呢位鬼才就形容自己嘅作品係屋企嘅爛櫈,賣到咁貴純粹係拍賣行識得包裝宣傳。黃永玉為人謙厚,而且幽默,開幕禮上有記者問佢點解唔搞個回顧展,佢咁答:「人都未死,咁快搞回顧?」
傳真︰2623-9278
電郵︰
[email protected]