陸詩韻、組合BOP（前名天堂鳥）、海俊傑、黃建東今晚在尖沙嘴出席慈善晚會，穿上紅色晚裝的陸詩韻，她透露離開無綫已第10個年頭，她坦言十年人事幾番新，「離開呢個圈，我去做小生意，而家有時做下幕前，如果畀我再揀，我依然會選擇離開呢個圈。」當年，陸詩韻既有主持工作，又有劇集拍攝，為何仍要選擇離開無綫？她說：「屋企做製衣，因為當時生意唔係太好，爹哋叫我返去幫手，我心諗唔可以同時兼顧兩樣嘢，所以就放棄無綫。就算而家再簽無綫，我都係簽部頭合約，冇咁多限制，最近我都忙緊美容、健康食品嘅代言工作。」

提到最近有網民狙擊無綫藝人出席的活動，陸詩韻說：「我知有幾個活動取消咗，呢個幾月嘅氣氛唔係太好，其實大家都係想維持自己個家，香港始終係我哋嘅地方，我希望可以盡快平靜番，而家我都唔係好敢過港島區，所以如果要工作就要預時間。」

對於BOP在11月假九展開演唱會，他們透露內部認購反應不錯。現時的身型是否在最fit狀態？Gordon說：「到時會仲fit，我哋要挑戰坤哥（吳業坤）。」Lincoln即笑說：「係要過坤哥，佢嘅體脂係5，我哋要4.9。」會否除衫演出？Tyrese表示：「應該會，但唔會除晒，可能有一嘢，咁大家要唱《脫掉》。」Lincoln笑指：「咁要除褲喎，要練大髀。」Gordon突然說：「梗係練『天堂巨鳥』啦！」會否講過不算數？三子即面露尷尬，Tyrese笑着替隊友解圍：「可能背景有。」

-----------------------------
【每周送10萬】
升級壹會員獨家尊享，立即參加10萬火急大抽獎 !
*推廣生意的競賽牌照號碼：52302-9
-------------------------------
錶迷必讀！
89頁腕時計電子書 66款嚴選年度新錶
https://hk.adai.ly/e/v7jEA0MC1X