Simon昨澄清夏蕙BB死訊:「冇生命危險,佢冇咁牙尖嘴利啫,講嘢有氣冇力,只講到單字。」排除中風可能?Simon說:「我冇郁過佢,只係同佢傾偈,佢屋企人潘生(潘炳烈)同囡囡噚晚嚟過。」Simon暗示有親友硬闖探病,令他感到不滿。昨晚Simon再在電話中說:「夏蕙姨證實唔係禽流感,已經退咗燒,病情穩定咗,轉埋病房,佢𠵱家講到嘢,但要吊鹽水,醫生未批准佢出院。」至於三場騷?Simon說:「全部取消,稍後會公佈退票同賠償。」
此外,跟夏蕙BB反面的白韻琹昨獲悉對方留院,白姐姐即冰釋前釋,她昨在電話說:「我之前嬲黃夏蕙成日亂噏,佢其後有打電話嚟道歉,我cut佢線。聽到佢病,我都關心佢,不過我都唔係好擔心,因為佢意志力好強。」
採訪:卓寶花、比華利