已育有兩女、現年29歲的徐淑敏（Suki）一直恨追仔，有消息指她去年底跟老公黃浩（Kenny）到馬爾代夫慶祝結婚四周年，旅程中積極造人，想不到心想事成！據知Suki已懷有個多月身孕，即將做馬年媽媽，但礙於BB未夠三個月怕小器，所以她三緘其口。不過Suki一家早計劃農曆新年，與奶奶三代同堂到澳洲過熱辣辣馬年，但有喜Suki因為要多休息，臨時取消行程，她將獨自留港過年。
記者昨致電恭喜Suki，但她仍有所保留，只說：「我係計劃30歲前再生多一個，不過今年我都想專注護膚品生意，即使係有，我都有經驗（指生BB），可以兼顧。」有指她出現害喜現象，易攰兼沒胃口，問到可覺得最近身體有變化？她說：「唔覺有變化，但工作忙，所以瘦咗。」今年9月便30歲的Suki，預產期剛好在9月，正好實現她想在30歲前再生的計劃。

取消外遊獨養胎

問到馬年大計，Suki即滔滔不絕地說：「我真係想今年生小朋友，生意當然越做越好，兩者我會平衡得到。」跟無綫解約後，Suki瞓身搞生意，她說：「唔辛苦真係唔得世間財。」若成功懷孕，老公可要她停工養胎？她說：「老公好尊重我。」Suki突然取消農曆新年跟家人出埠度新歲，獨自留港，明顯是剛有喜不適宜坐機旅行，她卻解釋：「2月8號接咗event，老公、奶奶同兩個女呢個月尾就走，得番我一個留港過年，結婚後自己時間唔多，好難得我可以享受一個人嘅寧靜。」她表示生夠三個便收工，所以希望追馬仔。
採訪：比華利