當年今日
關於我們

千嬅撐吳彥祖「H5N1咁勁點會叫雞」

蘋果日報 2005/11/21 00:00


楊千嬅力撐好友吳彥祖,表示不信對方北上尋歡,並笑說:「𠵱家H5N1咁勁,佢又點會去叫雞呀,佢咁錫身一定唔會接觸啲家禽家畜啦。」
日前有周刊拍到吳彥祖於北京一夜店尋歡,前晚楊千嬅、容祖兒、陳奕迅(Eason)、林海峰(Jan)及古巨基等人,於灣仔會展擔任《麥當勞世界兒童日音樂會》表演嘉賓,曾與吳彥祖傳出緋聞的楊千嬅表示絕對不相信該報道,因為她認識的吳彥祖對工作認真、對女友尊重,她說:「係唔係電影宣傳咋,呢單嘢真係好難叫人相信囉,佢咁錫女朋友一定唔會咁做,而且佢又唔係儍人一定唔會走去做儍事。」
城城回敬林海峰
千嬅更笑說近日禽流感肆虐,故對方一定不會向禽流感衝着去,她說:「𠵱家H5N1咁勁,佢又點會去叫雞呀,佢咁錫身一定唔會接觸啲家禽家畜啦。」
阿Jan日前指郭富城的金馬獎影帝獎座來早了,阿Jan稱城城於日前曾致電給他,他說:「城城都有打電話畀我呀,我同城城、小美識咗咁多年,邊啲嘢講真邊啲講笑佢哋知㗎啦。」最後問到阿Jan與城城的談話內容,他笑說:「佢話有機會再合作,重叫我個膊頭再努力啲,遲啲就可以超越佢嘅成就。」
「阿嬌儍人有儍福」
另外,日前本報報道指鍾欣桐(阿嬌)炒樓勁賺二百多萬,祖兒亦有恭喜對方,她說:「見到阿嬌就等於見到個豬頭,佢𠵱家發到豬頭咁,我都有恭喜佢,我知佢都唔係呢方面嘅專業,儍人有儍福。」祖兒表示不會出售跑馬地的風水屋,暫時她只會出租。
採訪:李珮 攝影:陳偉權
empty
千嬅(左)表示絕不相信吳彥祖會北上尋歡。
empty
吳彥祖
資料圖片
empty
一眾歌手與穿上不同民族服裝的小朋友大合唱。
(後排左起)陳奕迅、林海峰、楊千嬅、容祖兒、黃耀明
empty
林海峰獻唱《流行曲》時,身邊有不少戴上面具的假歌手同台,十分搞笑。