【本報訊】中年的士司機清晨4時便駕車抵達落馬洲支線的士站排隊上客，惟苦等兩小時後，有疑似黑幫男現身「打尖」，要求司機遵守「行規」，讓遲來的會員車先排。黑幫男明言所謂會員即黑社會會員，警告司機不要「調皮」，又怒斥：「個個排隊，X你老母，我使X打返嚟？我打咗幾多交你知唔知呀？」事後一名成功打尖的的士司機被捕，昨否認以三合會社團成員身份行事罪受審。

「咁調皮嘅話你冇運行」

遭7輛的士打尖的事主陳仙原供稱，當日清晨6時18分，被告栁志華（52歲，圖）敲打其車窗，質問「知唔知呢度規矩呀」，揚言「有member車返咗嚟」，要求陳讓位，並說「哥仔，每個站頭有每個站頭嘅規矩，如果你咁X調皮嘅話，我整廿零蚊你冇運行」。

陳反駁從未聽聞所謂規矩，遭被告以粗口怒斥。陳自言感害怕，「佢話打返嚟，我驚俾人打」，且直覺黑社會即犯罪分子，為求達到目的會不擇手段。辯方盤問陳時揭陳曾因勒索和刑恐罪成判囚，乃真正犯罪分子，直指陳稱感到害怕實屬謊話；且被告起初語氣尚算心平氣和，與稍後惡言相向的男子是判若兩人，指陳根本認錯人，陳不同意。

被告被裁定表證成立，他不出庭自辯，但傳召案發時一同打尖的同行蔡栢業出庭。蔡對打尖直認不諱，自言較早前已在閘外排隊，「出面排隊係唔使跟呢啲（現場）次序」。控方質問他為何自覺有權打尖，蔡起初指只跟隨前方的士前進；控方追問，蔡則支吾以對：「因為呢度做開係咁樣，係不成文規定。」他及後謂：「唔識解釋，唔知點講。」聆訊今續。

案件編號：FLCC3920/18

■記者楊思雅