當年今日
關於我們

三哥開舖攬老婆咀Toby
華仔視朱麗倩如天使

蘋果日報 2008/01/11 00:00


劉德華昨日出席老友苗僑偉的眼鏡店開張,被在場記者追問女友兼「管家婆」朱麗倩捧他演唱會一事,華仔指每個來看其演唱會的都是天使。至於主人家苗僑偉就左右逢源,有太太戚美珍與緋聞女友梁靖琪(Toby)伴左右。
苗僑偉(三哥)投資的眼鏡店護家美視昨日在九龍灣MegaBox開張,苗僑偉一家到場招呼嘉賓,前來撐場的圈中人除包括劉德華、黃日華和湯鎮業三虎外,還有曾和三哥傳緋聞的梁靖琪和父母、緋聞情侶胡杏兒和黃宗澤、滕麗名和郭政鴻,眾人都大方影合照。
對「管家婆」冇意見
劉德華日前演唱會尾場,其女友兼「管家婆」朱麗倩被雜誌拍到前去捧場,華仔昨日頻頻叫:「唔好問啦!」最後他說:「我都有睇到封面嘅,內容就唔知啦,總之個個嚟睇我演唱會嘅都係天使。」問他對「管家婆」之名有何意見,他說:「冇諗。」談到三哥的眼鏡舖,華仔說:「佢好有生意頭腦,賺好多錢,我都想咁有生意頭腦,但一同人合作就唔得。今次我純粹以朋友身份嚟,邊有錢畀我啫,純粹係友情。」
empty
empty
當着戚美珍的面前,Toby和三哥又攬又貼面(左圖),全無顧忌。
五虎獨欠梁朝偉
三哥笑言本來只投資過百萬,但因為要請三虎到場,即時變為過千萬,並承諾三虎可以一世任取眼鏡。一如過往,五虎中的梁朝偉沒有出現,問到可有請梁朝偉,三哥即說:「又講呢啲呀?唔好講啦,總之一班兄弟都好支持。」
三哥又指舖頭由以前藝視的員工打理,太太戚美珍會幫忙打點行政工作,三哥自02年將藝視眼鏡賣盤給澳洲集團後,今次是首次在港開眼鏡舖,他說:「因為應承咗四年內唔會喺香港開零售店,不過加拿大同內地已經總共有14間舖。」昨日見其緋聞女友Toby跟三哥公然擁抱及錫面,太太在旁也毫不在乎。對於有傳戚美珍會復出,三哥表示沒作考慮。
採訪:胡比
攝影:陳順禎
empty
(左起)劉德華、苗僑偉、湯鎮業和黃日華四位齊集,令人掛念另一虎梁朝偉。
empty
滕麗名和郭政鴻這一對,感情似乎已開始穩定。
empty
朱麗倩
《忽然1周》圖片