被指「好打得」的特首林鄭月娥，管治能力因一宗《逃犯條例》修例露底，民望不到兩年已跌穿歷任特首新低點，開創香港政壇歷史。其實早在《逃犯條例》修訂未引爆前，林鄭專橫的管治作風開始浮現，由搶先於土地供應專責小組提報告前硬推「明日大嶼」，到提高長者綜援門檻一役寸嘴指獲建制派支持，及至三隧分流方案「一係要、一係唔要」的「話知你」態度，市民怨氣難消，再到硬推惡法堅拒撤回導致民怨衝天，市民對林鄭兩年施政，最想吐出哪4粒字？

記者　凌懿君、梁穎妍

「無法無天！」魏先生直指林鄭任內明顯向商界及支持中央派系人士傾斜，近日的「送中」風波更可見她拒聽意見，「你話一兩個、甚至1萬人出嚟話你，都可以話係偏頗，但200萬人入面有你嘅師長、朋友、長輩、前上司、前下屬，咁多人都出嚟講，點解佢唔聽下呢？就算意見有分歧，起碼都應該聽下。」年輕人梁小姐則認為「自以為是」最貼切，「佢一味自己諗我哋想要啲咩，就畀啲咩我哋，係好自以為是」，她以林鄭所指的「與青年同行」為例指：「我覺得同行係包括聽我哋嘅意見，而唔係淨係畀啲實習機會我哋，就忽略我哋真正想要追求嘅係自由同埋發言嘅權利。」

「可唔可以用粗口？」本想用粗口表達的余先生直指林鄭表現零分，「只係掛住『舐共』，民生無改善過，樓價都係繼續高企。」陳先生則以「民不聊生」作歸納，「雖然派左4千蚊，但又攞接近100億去起大嶼山個項目；其實係可以放喺其他民生政策，例如青年、就業、醫療政策等。」

另一位陳先生也指，派4千蚊明明是德政，卻因手續繁複勞民傷財，「本應係惠民嘅政策，但都搞到一塌糊塗」，認為林鄭任內一大問題是「做好多嘢好似同民生無關，但又用好多錢；話有諮詢，但實際又冇乜聽到民意」，認為「為所欲為」可算對林鄭施政的總結。

曾經在林鄭上台與她有偈傾的專業議政梁繼昌，被問到林鄭兩年施政時「啞口無言」，他指林鄭上場之初的確花了不少時間與黨派溝通，但最近發生的「送中」條例，令香港承受極大創傷，「創傷並唔係一朝一夕可以修補，呢次真係『一鋪清袋』。」公民黨譚文豪以「敗事有餘」形容林鄭上任兩周年，「初時係威係勢喎，而家就路遙知馬力」，他指長者綜援年齡下限調升至65歲「一次過辣㷫晒全宇宙」，批評林鄭更堅持在三跑填海出現海砂問題下仍硬推「明日大嶼」人工島計劃，令香港市民苦不堪言，「（林鄭）仲話人哋係鴕鳥，佢而家就鴕鳥足兩個禮拜，兩個星期唔開行會，唔敢面對群眾」，認為林鄭下台只是時日問題。

-----------------------------
七一遊行2019
主題：撤回惡法 林鄭下台
副題/口號：重啟政改 釋放所有政治犯 撤銷暴動定性 徹查612鎮壓
日期：2019年7月1日
集合時間：下午2時30分
遊行路線：銅鑼灣維園中央草坪至金鐘政府總部
主辦團體：民間人權陣線
-----------------------------
【登記做選民 7月2日截止】

網上登記：
。方法1（登入此網站 ，按步驟3分鐘完成）
。方法2（可用手機登入，在選舉事務處網頁打開REO-1表格，使用免費手機應用程式Adobe Fill & Sign打開表格，再按指示填寫資料，按儲存文件並以點擊分享，再電郵至 [email protected]）

詳情可參閱選舉事務處網頁：
https://www.reo.gov.hk/ch/voter/gcnr.htm

-----------------------------
7月4日起 《蘋果動新聞》只限升級壹會員閱覽
繼續撐蘋果！