利嘉閣總裁廖偉強認為，連續旺咗咁多個月，本月中美國宣佈加息，好多買家放慢腳步，唔肯入市，持續觀望，前前後後兩三個禮拜。樓市氣氛靜，本月至今，完全沒有大型新盤開售，導致市場氣氛淡靜。多種不利因素，導致二手市場淡靜。

價位方面，買家預期加息，以為有得鋤價，但業主唔減，買家更加唔入市，觀望氣氛濃厚。二手業主除非急於換樓，否則唔需要心急賣，睇到樓價係咁升，越遲賣，價值越高。

預期下半年，價錢唔會落，會微升，因為睇唔到下半年有任何不利因素。成交量持續低位徘徊，因為缺乏換樓鏈，加上一手搶去購買力，但相信未來數月不會像6月份咁靜，相信下月份多個新盤陸續出爐，二手業主換樓，會帶動交投稍為回升。

成交減少，廖偉強認為，只是6月份，有新盤出，代理生計就好啲，僧多粥少情況維持多年，唔係淨係今日發生，最重要新盤推出，令代理搵食指數提升。

掌握財經生活資訊，即Like「蘋果ATM」fb專頁啦！
http://fb.com/appledailyatm