喺尖東海旁屹立咗31年嘅九龍萬麗酒店，噚日光榮結業，最後一批酒店旅客喺中午前退房離開。住開有感情，唔少旅客話唔捨得。加拿大旅客Koumbourlis夫婦話覺得好sad，因為呢度記載佢兩公婆唔少溫馨回憶，每次嚟香港一定住呢度，當正自己個home，仲同啲員工玩到熟晒，可惜新世界話拆就拆，只好嘆句無奈，下次再嚟香港就要搵另一頭住家喇。
酒店方面比較低調，噚日冇搞告別儀式，前晚舉行咗個歡送晚宴，畀一班長年支持嘅旅客同職員共聚一堂，每人仲送咗個刻有九龍萬麗營業年期「1979至2010」嘅紙鎮留為紀念。至於酒店隔籬嘅新世界中心，就會喺呢個月底結業。