韓國男神金秀賢本年10月23號以陸軍現役身份入伍，預計2019年7月22號退伍。金秀賢於京畿道波州市第一師團新兵教育隊完成5周基礎訓練後，於上月29號參加訓練所嘅結業儀式，早前已經有報道指金秀賢喺訓練期間表現優秀，獲得優秀獎及休假權利，日前再有韓媒公開當日結業儀式嘅短片。

短片中可見身穿軍服嘅金秀賢一臉專注與同袍站立喺禮堂中間，隨後金秀賢跟其他三人獲頒優秀訓練兵獎，當中金秀賢獲頒新兵教育隊二等兵嘅軍銜。完成訓練及頒獎禮後，金秀賢等人向軍官敬禮，更露出招牌笑容向長官派心心，高呼「我愛你」，好不可愛。

另外，已經入咗伍嘅男星池昌旭，今日就更新Instagram，更大晒當兵型仔照，佢仲留言話：「現在回歸」。見着住軍服嘅池昌旭做敬禮手勢，十分醒神。

更多韓流，喺晒《娛果》
http://fb.com/appledailyent