早前同吳業坤一齊翻唱《祝君好》獲網民好評嘅王灝兒（JW），今日去到新城宣傳新歌《多少年》，佢都想跟坤哥再有合作，不過坤哥好忙抽唔到時間，當傳媒笑指坤哥溝女就抽到時間時，佢就哈哈大笑。

漸漸長大，JW覺得對身邊事物要求都有所改變，例如擇偶條件，會要求另一半要鍚家人，單身嘅佢表示未有追求者出現，可能性格男仔頭，兼且自細身邊好朋友都以男仔為主。

講到佢身邊班好姊妹何超蓮同鄧紫棋，近期個個感情生活都繽紛，佢話：「我都替佢哋開心，我都期待自己繽紛來臨。」問到會否叫姊妹們過戶啲緋聞俾佢？佢斷言話：「唔要人哋過戶，咁肉酸，介紹都可以接受。」