由黎明力捧的樂壇新人應昌佑將於本月底推出處男唱片，應昌佑十分緊張，全力參與製作工作。曾是一百九十磅肥仔的他，決以堅毅精神做出好成績。

樂壇新人應昌佑除高大的個子令人容易留下印象外，「青靚白淨」的膚色也是他的特色之一，但應昌佑則表示讀書時的他外形與現在大大不同。

屎波激走教練

應昌佑說：「我讀書嘅時候，身形好大份、好肥，有一百九十幾磅，所以就算我打籃球，喺學校校隊都冇乜女仔會望我。𠵱家就瘦咗好多（約一百六十磅），多咗少少女仔望我！」
打籃球時的應昌佑樣子特別認真，而他稱打波令自己學到堅毅和如何與人相處，他說：「當時嘅校隊唔係咁叻，試過比賽輸得太勁，連個教練都激走咗。而喺街打波識到好多人，從中學到點同人相處。」
現時入了娛樂圈的應昌佑仍然堅持學習，並大讚黎明說：「我覺得黎生處事態度好，人好nice，而且plan嘢好好，我會視佢為我榜樣，如果有機會，我都想學佢拍吓戲。」

適應日夜顛倒

曾任職大品牌波鞋公司的應昌佑，表示初入行時不太習慣日夜顛倒的生活，甚至在街上被途人認出也感覺不自在，但經過這麼多月來，他開始適應下來，亦主動參與唱片製作，學足黎明親力親為的態度，應昌佑說：「錄歌時候我會畀意見，早排已經影咗唱片cover，我都有份畀concept，我想親力親為，想多啲參與自己嘅唱片。」
採訪：王連連
攝影：何國豪
服裝： http://www.izzue.com