【韓流】《Dispatch》唔即時公開雙宋東京密會照 原因係...
DispatchVIU雙宋
韓國神劇《太陽的後裔》嘅宋仲基同宋慧喬將於下周二結婚,兩人今年7月突然認戀兼宣佈婚訊,秘戀多時一直都好保密,不過事實上今年1月雙宋曾經被韓媒《Dispatch》拍得喺日本東京約會,不過當時傳媒未有即時公開有關愛嘅鐵證,反而就等到雙宋7月公開婚訊後,《Dispatch》才一次過公開當日雙宋喺東京密會嘅照片。
而當日拍攝雙宋喺東京拍拖嘅《Dispatch》首席記者朴惠眞,近日接受訪問時,親述點樣追訪雙宋愛嘅鐵證,朴惠眞指由去年年底開始已聽說雙宋走得好埋,即使電視劇結束後,二人亦有繼續見面,所以佢先會追蹤去考證二人人到底係唔係拖友關係,又表示:「因為佢哋經常和同事一齊見面,所以要確認起來相當唔容易。」
對於點解唔喺1月時公開照片,朴惠真就指《Dispatch》習慣唔會立即公開照片,而係會隔一段時間,因為要先判斷報道係唔係正確,即使其他嘅緋聞亦都一樣,佢話:「比起照片,更重要嘅係Timing。」
而今次《Dispatch》記者朴惠真整個訪問,將於本周三起一連四日(25至29號)晚上9時,於Viu《K1頭條》中有得睇。