薛家燕兒子石耀庭（Jackson）同佢新抱Zoe（陳素怡），繼上周一（11日）嘅婚宴之後，噚晚舉行第二場Wedding Party，婚宴場地喺一間有房外草地嘅餐廳舉行，難得噚日陽光普照，家燕姐覺得好感恩。噚日大概有幾百位賓客，全部都是Jackson同Zoe嘅朋友，好似大學同中學同學，依家工作嘅的朋友，大部份都係從外國回來，家燕姐話雖然喺戶外天氣忽較熱，但一班後生仔好enjoy個party。

party由家燕姐好友安德尊做大會司儀，而Zoe一位姊妹就幫手做英文司儀。現場有live band，仲唱咗好多love songs。至於Jackson嘅好友王梓軒就上台發言，佢講番當日見證住Jackson同Zoe認識到求婚，當時佢仲假扮嘉賓添，而今次真係喺Jackson婚禮上做嘉賓。至於婚禮上，家燕姐嘅大女石祐珊，同細女石耀珠，都被催婚，家燕姐表示唔好畀壓力佢哋，隨緣啦！不過家燕姐就話只係擔心大女珊珊，家燕姐話︰「她自己也說明白了結婚的事，覺得還是旅行結婚比較好，不用想那麼多，總之就是媽媽開心。」

家燕姐好滿意呢兩場婚宴，佢仲話辛苦咗好多人，包括佢大女同細女，仲有大女同Jackson嘅同事，仲有家燕媽媽藝術中心嘅同事，家燕姐仲話︰「完成之後真的整個人輕鬆了，好多謝大家賞面，好感恩，也是完成我一生人一個最大的願望。」

精選娛聞，喺晒《娛果》
http://fb.com/appledailyent