今日係龍小菌嘅26歲生日,今早10時佢已經同30多名歌迷到理大實體票站投票,小菌謂生日就搞下活動,故今早9點已經約歌迷食早餐,等到10點票站開始投票,就馬上去投。小菌話今次係為香港出力出聲發表意見。原來當中有大約10個fans係未足18歲都來支持。
問小菌可覺藝人政治冷感?佢話:「唔係,好多藝人DJ都有投,如果每個演藝界都願做此事,咁佢哋投完之後投其支持者都去做。」對於微博不少人被滅聲,小菌話:「所以我盡量都唔玩,不過,試想下如果有一日連fb都冇得玩,咁就驚,唔係因為冇得玩而驚,而係因為自己言論自由不再受保障。」