今日（10）沙田九草兩泥共11場賽事，草地用C跑道，度地儀指數2.70，場地掛牌為好地。如天氣情況許可下，馬會將按計劃在第六場後進行壓地。

睇番最近5月12日同一移欄賽事，當日度地儀指數2.72及掛牌為好地，雖然有「三思飛駒」後上贏馬，不過其餘頭馬全部守前五位入直路建功，「金碧光芒」、「勝利專家」及「美麗寶寶」都係放直路帶到。

這天列陣馬中，第四場「非常堅」今季兩勝均在田草C欄跑1800米所得，重返強項有力回復表現。

另外，第十一場「加州再豫」四次跑田草C欄獲一冠一亞兩殿佳績，憑出色場地性能可期坐位望贏。

泥地方面，今日兩場均為1650米，硬度計指數8.23，掛牌好地。近期同程1650米日賽頗利後追馬，如「榮冠大道」及「曾幾何時」均有早段留守中後位置，入直路憑後勁反先對手，故此今日第二場「駕喜」及第七場「貨如輪轉」等擅跑泥地之後上馬可秤先。