黃心穎被指係圈中小富婆，今年一人豪擲八百幾萬購入啟德天寰一個兩房單位，又同家姐黃心美夾400萬喺加拿大買樓。

心穎BB真係好勤力，拍劇之餘，又狂接晚宴司儀騷，更加唔介意同馬國明以情侶檔一齊出騷搵真銀。早前心穎BB又被睇中幫港鐵拍咗個推銷廣深港高鐵（香港段）嘅廣告，係硬銷香港去廣州有幾快咁啦。但今次心穎BB真係躺着也中槍，因為呢個廣告被指誤導、不真確及欺騙觀眾，通訊局共接獲323宗投訴。

大致都係話心穎BB講旁白時就話﹕「「只須48分鐘車程，就直達廣州」，但廣告中字幕就顯示「只須48分鐘車程，就直達廣州（南）」。有人補多條片，講出真實情況，如果要去到廣州市中心，要額外需半小時至一小時。不過，通訊局就為投訴理據不足，毋須向電視台採取進一步行動。(相關新聞﹕ http://bit.ly/2piT9HZ )

心穎BB今日回覆傳媒表示，暫時不方便回應，但就相信撰稿人己經好小心。心穎又稱：「其實每次拍嘅稿都好謹慎，會出好多次好多次，拍緊時都會更改，經過好謹慎嘅考慮先會畀我去講。」

更多娛聞，喺晒《娛果》
http://fb.com/appledailyent