無綫杯葛《壹週刊》罷攞獎
郭可盈:做藝人清者自清

蘋果日報 2004/07/09 00:00


近日有報道指無綫因不滿《壹週刊》多篇報道,有意杯葛該雜誌昨日舉行的頒獎活動,無綫昨日承認暫不派旗下經理人合約藝人參與該雜誌的活動,而吳卓羲、郭晉安、陳豪及廖碧兒等昨日雖然獲獎,亦未有出席領獎。
近日有報道指無綫因不滿《壹週刊》近期多篇報道,杯葛該雜誌在紅磡海逸酒店舉行的「健康第壹大獎2004」頒獎典禮。無綫旗下經理人合約藝人包括吳卓羲、郭晉安、陳豪、廖碧兒及吳美珩等,昨日雖然榜上有名,但並沒有出席頒獎禮,不過其他無綫合約藝人包括陳鍵鋒、方力申、郭可盈和劉愷威等都有前來領獎,他們均表示並不知道無綫有杯葛行動。

公司開會決定
郭可盈說:「做乜要封殺?雜誌一路以嚟都係咁,我哋做藝人惟有清者自清。我都唔係無綫做經理人,係獨立個體,都唔知公司知唔知我嚟呢個活動。」而陳鍵鋒則說:「冇人話唔畀我嚟今日嘅活動,況且我management都唔係無綫,有問題先算啦。」同樣只是普通藝員合約的劉愷威說:「我諗公司唔會咁小器,都冇人通知我,我咪當唔知嚟咗先算。」
對於杯葛一事,無綫外事部助理總監曾醒明說:「我承認有藝人冇出席今日嘅活動,現階段暫時唔適合派經理人合約藝人出席該周刊嘅活動。《壹週刊》對無綫有啲失實嘅報道。」提到今次決定是否由無綫行政主席邵逸夫下聖旨,曾醒明說:「係公司開會決定。」

不會禁止採訪
那麼無綫會否禁止該雜誌記者到無綫將軍澳電視廣播城採訪?他說:「除非記者違反採訪指引,我強調唔係杯葛,要睇今後佢哋對無綫公唔公平。」
林曉峰和查小欣昨日在電台節目內大談無綫杯葛傳媒一事,查小欣說:「TVB咁做有險位,到時傳媒鍾意寫乜都得,因為傳媒搵唔到你哋嘅藝人做回應嘛,人哋立法會都講緊要溝通啦,但係𠵱家就話要杯葛。」
採訪:史丹、王崇穎
攝影:何國豪
empty
眾得獎者昨日出席頒獎禮,惟獨無綫經理人合約藝人缺席。
empty
劉愷威接受大會頒發獎項,他表示不清楚無綫有杯葛行動。