筆克遠東（752）息高PE低，兩個字：「抵搞！」筆克主打展覽館承造及相關業務，業界中份屬一哥級數。2011年半年度（4月結），筆克純利8210萬銀，只係增長1%咁大把。但要咁睇，筆克期內再冇好似去年咁，受惠上海世博呢個大型活動，半年純利仲Keep得住，相當唔錯。
再講，集團除咗祖國，近年亦積極開拓巴西、中東、印度等極具潛力嘅市場，加埋本身地位，又係長賺長有格局。上半年度筆克增加派息到每股4仙（2010年3.5仙），集團增加派息，照計下半年度業績應該唔曳。係咁易計數，筆克全年純利增長10%到2.1億銀，PE8.9倍，息率維持5.8厘，吸引到痹。博筆克翻半番到2.30元，預期PE13倍咁大把。