天王郭富城上年同大陸嫩模Moka(方媛)拍拖，噚日有傳城城疑疏遠Moka，有指Moka出街租車及司機都係城城出錢請，不過Moka最近扭城城喺上海買樓，多次向城城講睇中咗兩個過千萬嘅樓盤，又嫌城城送啲小禮物出手唔夠豪，盛傳扭買樓一事，城城去上海嘅次數少咗。

有傳Moka唔想人財兩失，目前都唔敢提買樓件事，面對呢啲傳聞，城城今日回應《蘋果》表示：「最近又有一些荒謬作料新聞。我只有一如往一笑置之！」