當年今日

TOKIO至老積隊長戀女神
城島茂食完吉岡餃子嗒糖!

蘋果日報 2002/08/07 00:00


五人偶像樂隊TOKIO的成員,年來相繼傳出戀聞。以扮「老積」及搞笑搶鏡的三十一歲隊長城島茂,更被人氣不斷飛升的二十二歲「新治療系女神」吉岡美穗迷倒,二人近日頻頻約會。

飲酒談心
據日本雜誌《週刊女性》報道,今年六月城島茂在一個烹飪節目中,吃過吉岡親手炮製的餃子後,即一食難忘,對吉岡展開瘋狂追求攻勢。同是關西出身的二人異常投契,繼而發展起來。
城島上月數度在其住所附近一相熟酒吧訂位與吉岡撐枱腳,店中酒保透露:「佢訂枱時曾講明帶吉岡嚟。前幾日深夜十一點半,城島戴住頂帽,吉岡戴住太陽眼鏡入嚟。佢哋會揀個最暗嘅地方,叫支酒傾偈傾到三點幾,不時耳語,好似拍咗好耐拖嘅情侶。城島鏡頭前扮搞笑,但喺女仔面前好Man㗎!」
吉岡的經理人最初否認二人拍拖,及後又說:「佢哋有一齊去過吧,但當時我都喺度。」而城島本人對緋聞只以怒目回應,其事務所說:「吉岡美穗?唔識呢個人喎!」
吉岡今次乃入行後首次傳出緋聞,而城島則曾被傳常常在藥師丸博子的豪宅出現。