港超聯地區球會元朗上周六在提前進行的港超聯第16輪賽事，殘陣下以0:3不敵正與大埔、富力及南區爭霸的傑志後，南區主席陳文俊即公開質疑賽事提前進行是否公平，球迷亦指元朗前一場聯賽對理文有集體「洗牌」之嫌，令聯賽對傑志陣容更殘。

傑志對元朗的第16輪港超聯原定下月20日上演，但因遷就傑志下月17日亞協盃作客北韓，故向足總提出延至4月22日，元朗反對並建議提前上周六進行，此方案獲三方接納，足總更於本月15日發稿公佈新賽程。然而本月17日元朗對理文的聯賽，當時元朗主教練郭嘉諾因正在國內修讀教練課程未能帶隊，而慕沙、基斯及杜馬思三名已有四面黃牌在身的外援，在賽事尾段先後領黃，累積五黃下對傑志要自動停賽，此擧擬似「集體洗牌」。元朗解釋假若球隊晉身菁英盃決賽（四強對香港飛馬），延期至22日將不利備戰，但部份球迷並不接受此解釋。

其實不少港超聯球隊有部署要求四黃球員刻意多領一黃停賽，俗稱「洗牌」，但元朗今次懷疑集體為球員「洗牌」為足總盃及菁英盃部署，以致只能以弱陣對爭標的傑志，事件進一步發酵，更有不少球迷批評元朗此舉對其他爭標隊不公。

元朗球會fb留言
Tse Teddy：洗牌咪認左佢咯
Dennis Wong：這樣對對方同埋其他球隊公平嗎？咁樣就算贏都贏得好樣衰，可恥
Frederick Yeung：五日都叫太密？不如決賽前成個月都休戰備戰啦！還有為何事前唔公佈，要事後被質疑先解釋？
So Kam Kam：咁做法對港超其他隊伍公平嗎？體育精神何在？

記者：曾雁平

--------------------
《蘋果動新聞》4月訂閱新世代
壹會員尊享獨家內容
立即免費登記： http://bit.ly/2TzFz0K
--------------------
星期一至五晚上10點半
《動腦Q》Let's Q the money！
http://bit.ly/2QW8LcI
--------------------
係你！打造星級球隊，征服各地聯賽！立即加入『BFB CHAMPIONS 2.0』！
http://bit.ly/2BUtLvW
--------------------
《體蘋果》陪你睇波講波
https://www.fb.com/appledailysports