當年今日
關於我們

【好多嘢仲處理緊】JM十月米蘭做新娘 籌備婚禮話晒事

蘋果日報 2019/05/09 23:15

婚禮米蘭JM

文詠珊(JM)、周柏豪和容祖兒等,晚上在銅鑼灣出席品牌活動,其中JM表示近來正忙於為10月舉行的婚禮做準備,她說:「起初以為有好多時間可以慢慢搞,但而家發覺時間越嚟越少,好多嘢都未準備好,好彩衫已經大概試過,而賓客名單亦都已經定好,不過真係好大工程。」她透露婚禮將會在意大利米蘭市郊區舉行:「始終喺外地搞溝通上比較花時間,即使有wedding planner幫手但始終唔係喺當地,所以都幾麻煩。」
問到未來老公可有參與籌備?JM說:「佢交晒畀我搞,其實我覺得都好,因為好驚一齊搞會有拗撬,始終係開心事,一個人handle可能會更好,而且婚禮一世人一次,當然要有啲要求。」 又透露邀請了好朋友嚴紀雯(Carmen)擔任伴娘:「但問題係Carmen嚟緊6月會結婚係我做佢伴娘,到時10月就幫番我做伴娘,所以其實大家都好忙,根本都冇乜時間一齊開會。」至於可會再回香港補擺喜酒?她說:「應該唔會再大搞,因為真係唔簡單同好攰,但一定會同雙方屋企人食飯,但形式上就會比較casual。」
至於周柏豪受訪時就表示向來出席各品牌活動後,均收到客戶送贈的禮物,他說:「禮物數量其實好多, 我而家個處理方法係將我用唔到嘅嘢賣晒佢,然後將筆錢捐去唔同嘅慈善機構,呢個行為好多客戶都知道亦都好支持。」柏豪表示受惠的包括服務小朋友、老人家甚至小動物的慈善機構,同時亦希望組織歌迷會成員一同到老人院探訪。
談到早前被指遭鄧佩儀主動出擊追求,柏豪表示:「件事好突如其來,劇都拍完咁耐先講,真係得啖笑,鄧佩儀係一位好Sweet嘅女仔,對所有人都好好。」又表示有留意報道及網民反應,發現留言好壞參半,直言自己替對方不值。雖然有這類報道,但柏豪強調太太沒有不開心,亦對他百分百信任。
攝影:陳慧安、馮嘉銘
《MCU寶石時軸全記錄》
1套6冊解構Marvel電影宇宙
入場睇Endgame前必讀天書!
https://hk.adai.ly/IFk7iee55V
-----------------------------
【記住63836568】全民爆相爆片!下一個爆料王就係你
https://bit.ly/2Guolu9
-----------------------------
星期一至五晚上10點半
《動腦Q》Let's Q the money!
http://bit.ly/2QW8LcI