意大利報章《Corriere della Sera》報道,受害人係一個當時22歲嘅阿爾巴尼亞女人,佢喺disco俾人灌醉後不省人事,當然冇力反抗。羅賓奴同另外五個男人就喺佢唔清醒嘅情況下將人輪姦。
被判監九年嘅羅賓奴,據報有權就刑期提出兩次上訴,喺上訴過程完結前都未使坐監。英國《電訊報》引述一個法律人士話,上訴過程完晒後,意大利先會聯絡巴西當局,展開引渡程序。不過,巴西憲法講明任何國民都不得被引渡去其他國家,所以羅賓奴只會喺離開巴西去其他國家嘅情況下,先至有機會被捕。另外,法庭亦都判受害人可獲得六萬歐元(約55萬港元)賠償。