【港姐2019】吳若希失平衡險跌落台 有藝人「甩底」留紅地毯
蘋果日報 2019/09/08 20:38
吳若希甩底港姐2019
港姐2019今晚在電視城舉行，剛去完新加坡工作返港的陳凱琳（Grace）有份為最上鏡姐擔任評審，她表示離港工作2日，但就好開心：「不過就唔捨得BB，所以我諗如果下一次飛的話都想帶埋佢去，帶佢去多啲唔同環境又可以睇多啲新鮮嘅嘢，我覺得佢自己都會開心啲嘅。」
今日身穿長西裝褸的Grace，被指性感欠奉，她笑言今晚的心態觀眾，故想穿上比較舒服及有型的衣服。Grace就表示距自己參選時已過了6年：「但每一次睇都戥班女仔好興奮，亦都好明白佢哋嘅緊張，但嚟到呢個階段已經好厲害，總之今晚盡量做好自己，就算賽果係點我覺得已經係一好好嘅經歷。」至於心水方面，Grace就話：「1號、2號同6號，淨係睇相嚟講係比較吸引我嘅3位，希望一陣見到真人時係非常之好。」
一眾女藝人在港姐決賽前行紅地毯鬥靚，不過就有人失手。吳若希在台上簽完名落台時，在樓梯上想落唔落，結果就失平衡差點跌倒。另外亦有不知名藝人在紅地毯上「甩底」，高踭鞋鞋踭斷開留了在紅地毯，相當顯眼。
吳若希失平衡險跌落台。（電視圖片）
想落唔落，結果左右不協調。（電視圖片）
亦有人高踭鞋「甩底」。
陳凱琳剛由新加坡返港，今晚性感欠奉。
連詩雅、周柏豪