當年今日

異動空間:五礦建設半價有售 - 魏力

蘋果日報 2012/10/25 00:00


港股矮仔上樓梯,升到第九日,但累積漲唔夠千點,話熱錢湧港,但升勢又唔夠澎湃,反而似資金避險,暫時泊入港元而已。歐元又失守1.3,西意兩國債息慢慢升返,雖未到危險水平,但反映歐債仍有隱憂。美企業績唔得,油金亦拾級而下,完全唔似炒緊QE3,所以話熱錢因QE3而流入香港,極有可能捉錯用神。值得留意,97年金融風暴前,港股亦曾連升九日,幾個月之後,泰銖就受到狙擊,引發港股大瀉。前輩許沂光更發出「第4次清貨警報」,以其往績之準繩,戰友不能掉以輕心。睇埋AH差價股的瘋炒情況,可說非理性佔了九成,跟搭順風車不要緊,但記得要識落車。目前魏力建議的策略是,先沽一半貨,其餘作短炒,失守20日線(約21000點)就全線撤退。今日向細價內房股埋手。揀市值細、土儲豐厚、估值平,後台又夠硬淨的股份,五礦建設(230)是必然之選。目前市值得36億銀,但土儲達370萬平方米,即每平方米只值973蚊!比較上半年,集團每平方米賣1.29萬元人仔,一睇就知家陣市值不合理,仲未計目前於7個城市發展的10個項目,賬面PB都係0.5倍,但實際肯定更低!走勢上,昨大成交突破中期降軌,驚人升勢一觸即發,1.50元目標隨時好快到。魏力 http://www.facebook.com/2012jason