「理想酒店」陪伴咗香港人咁耐，終於畀地産霸權打倒，要清拆喇。大家都會懷念0依個地標、0依個偷情嘅勝地。一個咁有紀念嘅地方，一清拆起上嚟，就好似一個廢墟一樣。

當年一個大閘，大個「理想酒店」在上，有幾多人又喺到等過朋友、男/女朋友(可能好多已經變成ex)呢？但今日，本報去睇過，唉…熟悉的招牌同大門，已經不復存在，取而代之係藍白帆布，以前嗰種「浪漫」同「理想」嘅感覺，已經消散無蹤。

打開帆布，入到去，見到嘅，再唔係一架架名車、或者一對對「面紅紅」嘅情侶，只係見到泥頭車同幾個雄糾糾嘅硬漢。喺貨車後車，一堆堆垃圾，頹垣敗瓦。

一張張床褥，依家變成垃圾，曾經是多少人溫存的地方？但0依家，就只係一件件垃圾。

以前「理想酒店」嘅房間，充滿住「愛」嘅感覺，仲有好多人嘅回憶，大家都會放喺腦海入面等將來可以回味一番，0依家入到去，只覺好似去咗個垃圾崗一樣。

喺今日「理想酒店」成為咗一堆垃圾嘅時候，好多網民都話好可惜，甚至話唔知以後用乜嘢嚟做地標。但係都有一部份市民就唔覺得可惜，好似附近嘅學生就話拆咗仲好，唔使再怕畀人誤會喺「理想酒店」出嚟；而部份學生話冇留意「理想酒店」清拆，甚至仲話跟本唔知道有「理想酒店」呢座buliding添!

唔知道…「理想」酒店個廣告燈箱，會唔會拍賣呢？最後一雙去光顧嘅情侶，又留低乜嘢做紀念呢？會唔會，係一個愛情結晶品呢？