周秀娜、盧頌之(DaDaLo)、余曉彤等噚晚喺尖沙嘴出席電影《爆3俏嬌娃》優先場，娜姐穿上紅色低胸裙亮相，露出四吋事業線，兼送爆炸糖明益觀眾。佢話:「梗係想票房爆紅，所以今日着紅裙。其實票房唔代表一切，戲裏面我打好畀心機。」

是否想轉型做打女？娜姐話:「以前成日睇梅姐(梅艷芳)同嘟姐(鄭裕玲)做戲，佢哋搞笑、文藝、愛情樣樣得，真係好想似佢哋咁。」

余曉彤首次擔正演出，直言感有壓力，佢話:「最近心口敏感，所以要暫時封胸唔可以Show。」而DaDaLo自言最近心廣體胖，體重增至110磅，經常被經理人鬧，問是否蜜運中？咁佢就話喇:「算係，了解中，對方一半係圈中人，遲啲先話畀大家知。」