上季方嘉柏只贏39場明顯跌Watt，而田草不過佔當中10W，今季方仔截至上次贏35場，如不計剛周日（23日）起孖，原先田草只交八場頭馬，同上季一樣積弱。

所以，方廐馬在田草表現麻麻其實不用介懷，皆因練者根本「心有所屬」！不過，今季方嘉柏算是回復谷中虎本色，目前贏23W乃各廐谷草頭馬之冠，明晚（26日）重返主場無理由睇低。

第三場四班1650米的「星運判官」，歷來只在今戰谷草一哩入圍，對上一次為今季初評67分贏馬，但自六仗前評68分再跑同程後，還是跑盲門田草，明顯是求減分。

這匹灰馬上仗減夠分落四班，如立即回跑谷草一哩，恐成為焦點影響分頭，所以多跑一場田草「散熱」，到了明晚終返強項，偏又有配備變動打擊賭客信心，反而更覺方嘉柏「此地無銀」，既要一擊即中又要分多兩蚊！

另外，第二場四班1650米，賢廐「乘勝追擊」上仗配吳嘉晉跑嫌短的田草1400米交出強勁餘勢，今次增程跑一哩更合，蘇狄雄剛戰騎「轉數高」後上贏馬，騎者隨時替「乘勝追擊」照辦煮碗。

-----------------------------
7月4日起 《蘋果動新聞》只限升級壹會員閱覽
繼續撐蘋果！