無綫咪神徐淑敏（Suki）最近承認懷第二胎，今年9月迎接囡囡誕生，但前晚卻傳出其夫婿黃浩（Kenny）因思念亡父、大前晚仰藥自殺送院的消息。Kenny昨日親自回電否認，他表示近日因父親離世而借酒澆愁，加上失眠服食安眠藥，但沒有仰藥自殺，他堅稱只是入院做睡眠測試。

Kenny昨日親述入院經過，他中氣十足說：「我呢排真係瞓得唔好，我有個習慣瞓唔着會飲少少紅酒，但爹哋早排病咗入院，我心情好差，跟住佢就離開咗，我承認呢兩個月越飲越多，我有時一晚會飲四支紅酒。醫生一早都勸過我，佢都開咗安眠藥畀我。」

Kenny表示醫生近日已建議他留院一晚進行睡眠測試，正好前晚養和有房間，他說：「我咁啱一家喺跑馬地食飯，食完咪入咗去醫院瞓一晚做檢查，因為全身接駁咗儀器，唔聽得手機，所以咪覆唔到記者，噚日起身睇到咁多短訊同留言，我都嚇咗一跳。」

Kenny再三否認自殺，他說：「我有個咁好嘅老婆，佢又懷第二胎，我好快再做爹哋，囡囡又咁得意，點會做儍事。阿爸走咗，我係屋企唯一男丁，依家成屋女人，我要肩負養家責任，點可以唔好好愛惜自己o架。雖然我好掛住阿爸，但佢嘅後事都搞好晒，我都放心。」