今日彩雲村麥當勞舉行活動，蔣志光同糖妹都有出席，兩個即場唱出改篇版《相逢何必曾相識》，蔣志光仲重演1989年為餐廳Rap嘅廣告內容，全場即時拍爛手掌。

喺訪問嘅時候，蔣志光笑住話：「糖妹唱得好好，改歌詞其實自己都有參與少少。」佢又講到每次同韋綺姍登台，《相逢何必曾相識》都係必唱歌，佢話：「有時佢唔在場我仲要唱埋佢嗰份，隻歌已經成為集體回憶。」

糖妹就笑住話：「我鍾意咗佢好耐，今次終於有機會可以合唱，希望第時有機會可以孖住佢同韋綺姍登台，因為我跟韋綺姍學唱歌學咗年幾兩年，佢0依家冇時間教我。如果有機會跟住去登台，我由細做起，斟茶遁水得喇。」

蔣志光當年嘅麥當勞廣告link： http://goo.gl/ernOpa