喺《MSN》討論區，badmoneymover問，有乜嘢途徑可以搵秘撈？diverdown34話，佢自己兼職做棒球同埋壘球球證，每年大約做7個月。
喺常規賽，每個月平均有700至1000美元（約5441至7730港元），而喺季後賽亦可每月賺600美元左右，人工好唔在講，呢份工仲好有滿足感。
音樂天才Trippin_Billy話，佢經常喺派對、婚宴、歡迎會上兼職演奏爵士樂，每個月演奏2至4場，就可每月賺約400美元，呢份工做得好開心。
laurenjane01好有生意頭腦，佢話可以喺拍賣會、跳蚤市場，或者車房「執平貨」，然後喺社郡網站Craigslist轉售圖利。mmbelle02話，佢兼職做女侍應，月薪約700至800美元。
美國賓夕凡尼亞州立大學經濟學教授朗尼‧戈爾登說，調查發現，過去10至20年，美國「打工仔」的實際收入漸趨下降，主要受全球化帶來的競爭、工會解散及最低工資停滯不前影響。由於工資升幅低於通脹，美國人被迫要延長工作時間，或者做兼職搵錢。