現年61歲嘅澳洲搖滾樂隊AC/DC鼓手PhilRudd，今日為威脅殺人罪同藏毒於新西蘭上庭，於兒子JackWitschke陪同下上庭認罪嘅佢，最後被判於家中監禁8個月。
去年11月Phil因為雇用殺手殺兩名員工而被捕，早前因證據不足，警方已撤銷聘請殺手意圖謀殺指控，但仍被控藏毒及恐嚇殺人罪。威脅殺人最高可判7年，但Phil認罪後獲法官作出輕判，話佢只需於家中監禁8個月，法官仲同佢講如果佢於家中犯事吸毒，就會即刻送佢坐監。