噚日係鄧麗君60歲冥壽，一眾香港歌迷會會員噚晚喺尖沙嘴筵開七席，為鄧麗君慶祝生日，同時邀請佢生前好友顏福偉同鄭國江出席。

顏福偉透露鄧麗君16歲時已認識佢，佢話：「當年我爸爸請佢嚟香港，去工展會買嘢，連續兩屆都有慈善皇后嘅美譽，之後對方去日本發展，有時返香港喺利舞臺開騷，佢唔鍾意食出面嘅嘢，所以我媽咪每次都會煮啲雞飯畀佢。」