地產多聲道：除名疫廈租市旺過買賣
蘋果日報 2003/04/29 00:00
非典型肺炎爆發，唔少大廈因為有住客「中招」變成「疫廈」，蘭西發現一個有趣現象，就係呢啲「疫廈」除名之後，租務成交會多過買賣。
香港置業駿景園分行經理余倫鋒話，兩個禮拜前從「疫廈」名單中除名嘅火炭駿景園八座，日前有個區內客，租咗同廈中層一個千二呎H單位。樓盤喺本月二十一至二十七日共有四宗租務，但同期買賣就只得一宗。
該行麗港城分行經理周淑英話，觀塘麗港城二十八座，上個禮拜喺「疫廈」名單中剔除後，就即刻有租務成交，中低層F室，六百四十呎嘅單位，全包月租六千蚊租出。麗港城喺上個禮拜有六宗租務，買賣僅得兩宗。
另外，區域營業董事翁祥生指出，上個禮拜除名嘅鰂魚涌太古城海景花園銀柏閣中層D室，日前租出，月租萬七蚊，面積一千呎。
海澄軒力吸避炎客
為咗「避炎」，好多市民都搵啲環境好嘅物業嚟住，長實嘅馬鞍山酒店海澄軒海景酒店，就以「自成一隅、空氣清新、健康生活之居住首選」做宣傳，推出最新長期租住計劃，係「零按金、靈活期」。詳情係點，今日就揭曉嘞。
講起呢間酒店，蘭西聽一個喺裏面住嘅朋友講，原來有唔少房間俾大學包咗，用嚟招待內地來港嘅講師，畀佢哋暫住。
香港置業駿景園分行經理余倫鋒話，兩個禮拜前從「疫廈」名單中除名嘅火炭駿景園八座，日前有個區內客，租咗同廈中層一個千二呎H單位。樓盤喺本月二十一至二十七日共有四宗租務，但同期買賣就只得一宗。
該行麗港城分行經理周淑英話，觀塘麗港城二十八座，上個禮拜喺「疫廈」名單中剔除後，就即刻有租務成交，中低層F室，六百四十呎嘅單位，全包月租六千蚊租出。麗港城喺上個禮拜有六宗租務，買賣僅得兩宗。
另外，區域營業董事翁祥生指出，上個禮拜除名嘅鰂魚涌太古城海景花園銀柏閣中層D室，日前租出，月租萬七蚊，面積一千呎。
為咗「避炎」，好多市民都搵啲環境好嘅物業嚟住，長實嘅馬鞍山酒店海澄軒海景酒店，就以「自成一隅、空氣清新、健康生活之居住首選」做宣傳，推出最新長期租住計劃，係「零按金、靈活期」。詳情係點，今日就揭曉嘞。
講起呢間酒店，蘭西聽一個喺裏面住嘅朋友講，原來有唔少房間俾大學包咗，用嚟招待內地來港嘅講師，畀佢哋暫住。
美聯馬灣珀麗灣分行噚日開幕，一般會開香檳、切燒豬大事慶祝，但今次有香檳就冇燒豬，換嚟嘅係一個大蛋糕，何解？公司執行董事張錦成解畫，獨家舖「個餅」唔使分，成個都係美聯嘅！
據講今次美聯以六位數字，簽訂兩年死一年生租約，發展商新地代理執行董事雷霆、副總經理陳秀賢亦應邀出席。佢哋祝酒後同美聯主席黃建業，登上珀麗灣獨有嘅不倒翁巴士，呢部巴士喺紐西蘭製造，價值二百萬，用天然氣，絕對環保。蘭西見到巴士上眾高層，忍唔住問吓佢地有幾耐無搭過巴士，黃建業好風趣話，自己雖然係上市公司主席，但成日都搭地鐵，間唔中會坐皇崗直通巴士返大陸，絕對平民化。
中原屯門區揸fit人伍洽強（圖四），喺今年大年初一過檔利嘉閣，統領利記成個九龍住宅部，利記最新一期內部刊物就訪問咗佢。佢話做代理最緊要熟悉負責物業嘅ProductKnowledge，特別係物業嘅背景資料，而且重要盤源齊全，先可以喺嗰區扎根。
伍洽強重話，旺市可能只得一兩個月，甚至一兩個禮拜，但淡市就唔知有幾長，所以一有機會就要搏到盡，賺得一蚊得一蚊，咁先可以企得穩。佢嘅下屬要醒定啲嘞。
為咗做好一手市場，伍洽強話要採用「重點出擊」策略，以應付排山倒海而嚟嘅新盤。佢又計劃每個禮拜都同各區區頭開會，檢討過去成績同商討未來嘅對策，揀出邊啲新盤最值得「重點出擊」。
要戰勝非典型肺炎，政府呼籲全城要齊心。作為本港主要地產商之一嘅新鴻基地產，旗下康業管理公司，自然唔例外，做足消毒防炎功夫。為咗向住戶灌輸防炎意識，出名鍾意音樂嘅康業董事總經理鄺正煒，就親自作咗首防炎歌，重包辦埋填詞同主唱，認真親力親為，首歌叫做「新地與你攜手抗炎」，係鄺生為新地創作嘅第五首歌。
之前鄺生作過環保歌、節能歌同埋新地為中山奕翠園項目作嘅「情傾奕翠」主題歌，統統都好有意義，希望呢首防炎歌，真係可以做到歌詞裏面寫嘅「合力定會得勝」。
蘭西
電郵地址：
海澄軒位於新界，空氣好，有條件成為避炎勝地。
睇個餅上面嘅字，就知美記有幾大野心。
（圖四）
新地旗下康業公司，不但以行動抗炎，重作咗首歌鼓勵大家齊心就事成。