嘩！

當你見到豹嫂胡蓓蔚撐黎芷珊眼鏡品牌活動呢個Look，都一定會嘩一場。

胡說八道三位核心人物——豹嫂、胡杏兒同李施嬅齊齊到銅鑼灣HMV撐芷珊姐姐，豹嫂今日呢件透視look，裡面有件比堅尼，咪咪分別有兩個三角形遮住「重點」……

豹嫂好平常心咁話：「我不嬲都性感0架啦，本來諗住著黑色tee打底，但如果咁你哋又話冇嘢睇喇，咁不如俾少少你哋睇住先啦。」咁性感都叫做「少少」？？？

豹嫂話：「如果身材勁嘅話就唔適合著呢件衫，咁我依家身形嘅比例就啱啱好，咁就ok啦。我哋六個女仔，我都諗唔到有邊個波濤『胸』湧嘅，唔係太大，性感都ok啦。」杏兒就話：「俾著我就唔敢著喇！」又爆豹嫂：「佢平時喺屋企都係唔著衫嘅！」豹嫂即緊張否認。李施嬅再加一腳：「佢會喺屋企著件白色衫，但裡面乜都唔著！」證人呢？李施嬅話係豹哥單立文！

幾位女士都話已準備定泳裝出海，但原來最想嗰個係胡定欣，佢成日Send啲陽光與海灘嘅相喎。

難得生性暴龍哥創科眾籌夢，遭隱世肥報販秒殺！ https://goo.gl/hnEB7D

「蘋果VR」App
App store下載： https://goo.gl/0kW2cK
Google Play下載： https://goo.gl/4K7EHw