對機迷嚟講，遊戲偷跑當然過癮，因為可以喺遊戲公開發售之前就可以率先玩到。不過，偷跑玩家都唔會明目張膽話畀人聽自己偷跑緊，因為畀人發現隨時封帳號幾日無得玩就麻煩。不過，有人偷跑係可以直情post上社交網站，如果你係隻遊戲嘅代言人嘅話。

講緊嘅就係FIFA 19嘅代言人基斯坦奴朗拿度（C朗），今日佢就post咗佢同仔仔仲有FIFA 19嘅合照上各個社交平台，大曬自己收到全球第一隻FIFA 19，都可以話最值得自豪嘅偷跑。雖然喺今集EA Sports公佈繼喺C朗做封面之後，C朗先宣佈由皇家馬德里轉會祖雲達斯，但係全新嘅FIFA 19，C朗已經換上咗祖記嘅黑白間波衫。而各位普通嘅玩家，想玩就要等到9月28公開發售先至玩到了。

--------------------<br />荷蘭殺神[紅SP]戴維斯參戰確定！立即下載 BFB CHAMPIONS 2.0，建立你的橙衫軍！  http://bit.ly/2xrTKGM  <br />--------------------<br />《體蘋果》陪你睇波講波<br /> https://www.fb.com/appledailysports 

合法偷跑！ C朗收到全球首隻FIFA 19