鄧紫棋(G.E.M.)演唱會2個月後先開鑼，不過G.E.M.已經密密苦練，又繼續搞好多同歌迷互動嘅搞作。

最近G.E.M.就招募粉絲投稿，將以往影佢又得意嘅相畀佢出插圖，近日佢一班粉絲又夾埋畀驚喜佢，因為G.E.M.下個演唱會叫「X.X.X.」，一班粉絲就拎住把紅色遮去銅鑼灣，喺條街上面砌出「X.X.X.」圖案畀G.E.M.睇，鼓勵吓好辛苦排練嘅佢。

唔知情嘅G.E.M.當然好感動啦，一班歌迷咁有心，就算最近搞出咁多是非，咩都補番晒，佢喺Facebook話:「看完感動得想哭，允許我驕傲一次，你們是全世界最棒的粉絲！我最愛你們了！！！！！」