「我媽媽條金鏈斷咗，可以去邊度駁番？」Mandy在網上留言，希望網友教路如何修補金鏈，有人稱到金舖便可，Mandy卻說不能大意，「條金鏈係我媽媽生前留低畀我，佢戴咗好多年，我唔小心整斷咗，所以想整番好似原來咁一模一樣。」

NixNix稱曾把斷開的銀手鏈交到旺角的銀器店駁回，「手工都幾好，完全唔覺駁番。」本報向多間大型金飾店查詢，店員表示若金鏈在其店舖購買，一般可免費駁回，否則需酌量收取手工費，大約150元至200元，需時約一星期，「如果斷開幾截，或者要補番啲金先駁得番，就要按金價補番錢，可以畀師傅睇睇，再報價先決定駁唔駁番。」