【新增短片】
教育局無視社會反響強推小三BCA（前稱TSA），補習老師王曦彥心痛學生受操練折磨，早前在立法會BCA公聽會怒撒溪錢。他指現時BCA操練依然盛行，「基本上係每一間都有，包括官校都係」。他慨嘆評估、考試制度已扭曲教學空間，學生回校、溫習、做功課日花12小時，隨時「辛苦過大人返工」。

記者 葉偉東

王曦彥曾任職小學中文教師兩年，2013年開辦一間小型補習社，現有7名同區不同程度學校的小學生。對於教育局稱學校已無操練BCA誘因，但根據王的觀察，小學操練文化依舊，「做補充練習有、課堂上練習都有，有學生同我講話係要早返學（操練），即係原本上課時間係8點10分，但一星期有三日要7點45分返去，操中、英、數（BCA），否則計遲到」，情況亦不只在區內名校，「有啲（學校）出名，你預咗多（功課），但依家係區內受歡迎程度較低，操練都一樣多」。

坊間前年開始力爭取消TSA，王不滿局方最終還是逆民意而行，唯有到立法會公聽會，直接向官員撒溪錢抗議。王指BCA已扭曲課程，「一直跟BCA方向走，原本三年級係冇睇咁多、咁長嘅閱讀理解，但依家愈來愈深、愈來愈多，文章愈來愈長，學校亦因應程度一直深落去」。

王續指，BCA僅是訓練應試技巧，而非官方所指評核基本能力，「你一望到文章，只可以用速讀形式睇文章，睇5分鐘就要答問題」；加上學校為應付考試，王的學生合計功課、溫習日花12小時，「4點上到嚟開始做功課、溫習，最早都6點半先走，慢嘅8點、9點，朝早8點返學，一日12個鐘，仲辛苦過大人返工」，「我唔係好明點解仲係要畀咁多功課？小朋友唔夠休息，成績自然唔好」。

女兒就讀幼稚園高班的家長伍嘉儀，也於立法會BCA公聽會上撕爛TSA試題。她已為女兒報讀標榜愉快學習的「Happy School」，「見到依家啲小學生日日都8樣、9樣功課，我唔想我個女都受苦」。她認為BCA無助教學，「如果學生真係唔識，其實學校老師係睇得到，例如邊方面弱啲，係數學做唔到定串字唔得，唔需要用公開試去衡量究竟小朋友學習成效」。

教育局重申，BCA所評估的基本能力是課程一部分，已包含在日常教學之內，無論是否進行TSA/BCA，學生也需要掌握基本能力。