獨立電影導演陳梓桓2017年憑傘運紀錄片《亂世備忘》，在日本山形國際紀錄片影展中獲頒「小川紳介獎」。陳梓桓當時接受《蘋果》訪問時講過，世界不少地方的人，都關注香港真實情況，他覺得香港獨立電影人應該堅持拍香港故事及社會問題，即使題材很本土，國際上都會得到關注。他的最新抗爭紀錄片《憂鬱之島》，獲《十年》及《地厚天高》兩位監製蔡廉明及任硯聰擔任聯合監製。

《憂鬱之島》正在網上舉行眾籌活動，反應頗為踴躍，昨日中午推出截至今日下午約六時，約30小時內已籌得近6萬美金（約46萬多港元）。陳梓桓今日接受《蘋果》電話訪問對眾籌的進度感到振奮，他說︰「暫時眾籌進度幾理想，之前都有信心，主要係數目唔係好多。睇過trailer同知道有《十年》、《地厚天高》同《 亂世備忘》班底，大家都有信心。而家都要大家支持落去，可以推到第二階段夠錢完成後期製作。」

陳梓桓表示《憂鬱之島》自2017年構思並展開拍攝，當時香港經歷旺角騷亂、民選立法會議員被DQ。在拍攝《憂鬱之島》時爆發反送中運動，豐富了題材，他說︰「今次用咗紀實同劇情 (Hybrid Documentary)，會跟拍三位曾經喺年輕時投入抗爭的真實人物的生活，用劇情元素重現佢哋回憶同傷痕，拼湊今日嘅社會運動鏡頭，希望透過影像探索追求自由同公義嘅信念點樣影響一代又一代嘅我哋。」他透露片中真實三位主人翁分別經歷67暴動、大陸文革同89民運，會由素人演員重現當中故事。今次眾籌目標最終階段會是120萬港元，可以幫他完成尚欠的十日戲份、後期製作包括聲畫，以符合戲院上映的規格，他笑說︰「都知道冇乜邊間戲院會上，資金可以幫到我哋進行社區放映。」

-----------------------------

打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新