周潤發日前偕妻子陳薈蓮到日本，出席東京國際電影節，其間夫婦二人趁空檔到六本木一嘗地道拉麵，怎料該著名拉麵剛好結束午市落閘休息，但店主認出發哥後，即時重開店面招待發哥夫婦。

周潤發原來一向喜歡吃日本拉麵，每次到日本必定要到當地的專門店，一嘗正宗日本拉麵。

酒店啖牛扒
日前他與太太到日本出席東京國際電影節時，欲趁機光顧六本木一間拉麵店，怎料該店剛落閘休午市，後來師傳認得發哥並得知他是專程來吃拉麵，即破例重開店面招待發哥。不過，麵店重開也只是招待發哥與發嫂二人，其他顧客要吃麵就要等晚市時候。
發哥說：「一碗叉燒拉麵都唔使一千日圓（約七十港元），真係好抵食。日本都有好多美食，好似之前我同老婆喺ParkHyatt酒店頂樓食西餐，嗰度啲日本牛扒同甜品水準好高，令我好難忘。」

「影相要專心」
而發哥日前獨自走在日本街頭獵影時，亦有不少日本途人認得他，更追着發哥幾條街想跟他合照。發哥雖然在街頭拍照時不想被人騷擾，但他對影迷一向隨和，所以還是保持來者不拒的態度。
發哥說：「影相係要好專心，所以我出街影相都唔會搵老婆陪，不過影迷認得我叫到影相，我一定唔會拒絕，人哋唔欣賞我又點會想同我影相呢？做人唔可以忘本，冇影迷支持，我都冇今日。」
記者陳月媚日本直擊