今日Eason陳奕迅出席「香港Figure王」劉建文(MichaelLau)嘅展覽活動,不過冇接受訪問就走,原來係趕下一場同一班老友慶祝老婆徐濠縈42歲生日食餐飯。
今晚約9點半,上環九如坊大班樓外,出現郭偉亮(EricKwok),Eason同梁漢文嘅座駕,梁漢文同郭偉亮都帶同太座現身,眾人齊齊去到星級粵菜館大班樓食飯幫阿徐慶生,一行人大概食到夜晚10點50分埋單,走時佢哋仲先走去下面一樓疑似同另一班朋友saygoodbye傾兩句,出門口時心情明顯大靚,Eason同梁漢文都有同記者打招呼,而郭偉亮老婆葉佩雯嘅一頭粉紅髮色亦相當sharp醒。