今日喺油塘嘅明愛復活節探訪活動，黃山怡(糖妹)就同唐寧一齊去到做嘉賓，宣傳電腦回收計劃。已經係人哋媽媽嘅唐寧，囝囝今年三歲，九月仲會開始返學，唐寧話：「我同佢去做面試真係好緊張，仲緊張過自己。」講到王維基裁員207人，唐寧就話明白公司嘅決定。

做咗人媽媽，不時都會同身邊嘅人分享囝囝嘅得意相，今日唐寧就同分享咗囝囝嘅相，糖妹睇完就笑住話都想早日生B，佢話：「我想生一男一女，不過相士話我三十幾歲先結婚。」

問糖妹會唔會未婚生B？糖妹認為找到合適嘅對象，一紙婚書冇太大意義：「好似君如咁，大家都公認係一對，無咩所謂。」至於「偽文豪」爆無綫幕後料，曾經拍劇嘅糖妹話：「PA同我地都玩埋一堆，大家都係打份工，唔使放喺心。」