陳庭欣（Toby）最近又有新戀情，男友係彩豐行老闆楊振源（Benny），仲獲對方撰文，視Toby為結婚對象。

男友一個比一個富貴，早前Toby被指以50萬豪買新車，佢今日喺北角為時尚美容店活動擔任嘉賓，講到換咗新車，陳庭欣話換車好正常，都係有需要先換：「冇咩要回應，唔使咁多錢嘅，屋企人幫我搞，佢哋應該會慳住我荷包。」

問佢成日被人話忽然富貴會唔會覺得煩？陳庭欣話：「都煩呀，大家偏向要咁諗就好敏感，不過換車都好正常，因為之前架車都已經係入行前。好多同事都叫我快啲換，大家都好關心我。」

陳庭欣謂未有向男友訴苦，因為佢思想好正面，但笑指經常被人寫都會唔開心。

精選娛聞，喺晒《娛果》
http://fb.com/appledailyent