以香港十年後政治環境作預言的獨立電影《十年》，為本年熱賣電影之一。《十》片上月17日在油麻地百老匯電影中心上映，雖然每日只有數場，但差不多場場爆滿。之後UA及MCL院線陸續加入，每日上映至20場左右，截至前日票房累積已有258萬元，絕對是超額完成。
電影至今仍一票難求，但最先上映的百老匯電影中心卻於本月初將《十》片下架，如此神奇舉動引起網民猜測，有網民認為跟電影政治味氣息濃厚有關，加上多了媒體報道，令院商自我政治審查而下架。

「上咗兩個禮拜」

百老匯電影中心屬安樂電影公司管理，去年就投資拍攝《黃飛鴻之英雄有夢》、《華麗上班族》等多部合拍片，但數到最賺錢的是於內地大賣20多億的《捉妖記》。《十》片的監製Andrew昨日接受電話訪問時說：「套戲上咗兩個禮拜，準備入第3個禮拜嗰時，（百老匯電影中心）同我哋講，因為有好多其他片要上。都有喺facebook睇到你個講法（政治審查），最初佢哋肯上，又得一間上，佢都應該考量過嘅。」
負責百老匯院線排片部主管Mandy昨日接受電話訪問時，否認有關政治審查的說法，她說：「唔關事，之前已經同片主提過之後啲影期好迫，其實差唔多啦，套戲喺中心都做咗好長時間（兩星期多）。」在《十年》其中一短篇《方言》中飾演的士司機的梁健平，他傾向相信影期問題：「冇人估到套片上咁耐。據我所知當初都係百老匯主動話要幫《十年》排正場。」
採訪：李森